.বন্দনা শালৈ
তথ্য আৰু যোগাযোগ প্ৰযুক্তি (ICT) ৰ শিক্ষাই
শিক্ষণ-শিকন পৰিৱেশৰ বিকাশৰ ক্ষেত্ৰত অতি গুৰুত্বপূৰ্ণ ভূমিকা গ্ৰহণ কৰিছে |
তথ্য আৰু যোগাযোগ প্ৰযুক্তি অতি কম দিনৰ ভিতৰতে আধুনিক সমাজৰ গঠনৰ
আধাৰ স্বৰূপ হৈ উঠিছে | পঠন, লিখন আৰু
সংখ্যাজ্ঞানৰ সমান্তৰালভাৱে আজিকালি তথ্য আৰু যোগাযোগ প্ৰযুক্তি বুজি পোৱা আৰু
ইয়াৰ মৌলিক কৌশলসমূহ আহৰণ কৰাটোও মূল শিক্ষাৰ এক অপৰিহাৰ্য অংগ হৈ উঠিছে |
UNESCO ৰ মতে, ICT বুলিলে তথ্যৰ সৃষ্টি,
অংশীদাৰকৰণ, প্ৰেৰণ, সংৰক্ষণ
আৰু আদান-প্ৰদানৰ বাবে ব্যৱহৃত বিভিন্ন প্ৰযুক্তিগত আহিলা আৰু সমলসমূহক বুজায় |
এই প্ৰযুক্তিগত বিভিন্ন আহিলা আৰু সমলবিলাক হৈছে- কম্পিউটাৰ,
ইন্টাৰনেট (websites, blogs & e-mail), চলন্ত
বিৱৰণীৰ প্ৰচাৰৰ প্ৰযুক্তি (radio, television & webcasting), সংৰক্ষিত বিৱৰণী প্ৰচাৰৰ প্ৰযুক্তি (podcasting, audio & video
players & storage devices) আৰু দূৰাভাষ(faxed or
mobile, satelite, audio/video - conferencing, etc.)
..................শৈক্ষিক ক্ষেত্ৰত বৰ্ত্তমান সময়োপযোগী হিচাপে তথ্য আৰু যোগাযোগ প্ৰযুক্তিৰ
গুৰুত্বপূৰ্ণ তথা সুবিধাজনক আহিলা বা যতন হিচাপে smart phone কে ল'ব পাৰি |কাৰণ, ইয়াৰ জৰিয়তে এখন ডিজিটেল ছবি প্ৰস্তুত কৰিব পাৰি যিখনক আমি সংৰক্ষণ আৰু
প্ৰয়োজন অনুসাৰে পুনৰ উলিয়াই ল'ব পাৰো | এই ডিজিটেল ছবিখন আমাৰ আৱশ্যক অনুযায়ী সাল-সলনি কৰিব পাৰো; যাক বেলেগৰ স'তে ভাগবতৰা কৰি মতামতো গ্ৰহণ কৰিব পাৰি
|সেয়েহে, যিকোনো ধৰণৰ সজুঁলি/প্ৰযুক্তি
যিবিলাকৰ দ্বাৰা ডিজিটেল তথ্য, সৃষ্টি, সংৰক্ষণ, পুনৰ উদ্ধাৰ, সালসলনি,
প্ৰেৰণ আৰু গ্ৰহণ কৰিব পাৰি - এই সকলোবোৰক তথ্য আৰু যোগাযোগ
প্ৰযুক্তিৰ বৰ্গত ৰখা হয় |
.....................শিক্ষকে শিকাৰুৰ শিকন
উন্নীতকৰণ কৰাৰ ক্ষেত্ৰত সঠিক পদ্ধতি আৰু তথ্য আৰু যোগাযোগ প্ৰযুক্তিৰ
আহিলা/সমলসমূহ নিৰ্বাচন কৰাৰ উপৰিও শিকাৰুক বুজি উঠাটোও অতি প্ৰয়োজনীয় | শ্ৰেণীকোঠাত ইয়াৰ ব্যৱহাৰৰ বাবে শিকাৰুক বুজি উঠাৰ বাবে চাৰিটা প্ৰয়োজনীয়
দিশ হ'ল-
১/জনতাত্বিক (Demographic)
২/সংজ্ঞানাত্মক/পূৰ্বজ্ঞান (Cognitive & Previous Knowledge)
৩/ভাৱাত্মক/সামাজিক (Affective/Social)
৪/শাৰীৰিক (Physiological)
১/জনতাত্বিক : শিক্ষকে শ্ৰেণীকোঠাত শ্ৰেণীৰ আকাৰ, ছাত্ৰ-ছাত্ৰীৰ বয়সৰ ভিন্নতা,
সংস্কৃতি, আৰ্থ-সামাজিক অৱস্থিতি, লিংগ, ভৌগোলিক অৱস্থিতি আৰু প্ৰযুক্তিবিদ্যাৰ
উপলব্ধতা/প্ৰৱেশক্ষমতা বিবেচনা কৰা উচিত |
২/সংজ্ঞাত্মক/পূৰ্বজ্ঞান : শৈক্ষিক স্তৰ, প্ৰাথমিক, উচ্চ প্ৰাথমিক, পূৰ্বজ্ঞান তথা অভিজ্ঞতা, শিকন ভংগিমা, কম্পিউটাৰ স্বাক্ষৰতা স্তৰ, বৌদ্ধিক দক্ষতা |
৩/ভাৱাত্মক/সামাজিক : ছাত্ৰ-ছাত্ৰীৰ সৈতে পাৰস্পৰিক সম্বন্ধ স্থাপন কৰাৰ সময়ত
শিক্ষকজনে শিক্ষা আৰু শিকন,
সতাঁৰ(online), শিকন পৰিৱেশ, অভিৰোচনৰ স্তৰ, পাৰস্পৰিক সম্বন্ধ আৰু আগ্ৰহ লগতে
নিজৰ মনোবৃত্তিৰ অন্ত:দৰ্শন বিশ্লেষণ কৰাটো বাঞ্চনীয় |
৪/শাৰীৰিক : শিক্ষকে ছাত্ৰ-ছাত্ৰীৰ সাধাৰণ শাৰীৰিক, আৱেগিক তথা বিশেষ প্ৰয়োজন
সমূহৰ সম্পৰ্কে সজাগ হ'ব লাগিব | শিক্ষা
সমল সমূহক মুক্ত আৰু বিনামূলীয়াকৰণে আৰ্থিকভাৱে পিছপৰা ছাত্ৰ-ছাত্ৰীৰ বাবে সহজলভ্য
কৰি তোলে |
সেয়ে, বৰ্ত্তমান যুগত
শৈক্ষিক উত্তৰণৰ ক্ষেত্ৰত তথ্য আৰু যোগাযোগ প্ৰযুক্তি নিৰ্বাচন কৰাত আৰু ইয়াক
ব্যৱহাৰ কৰাৰ ক্ষেত্ৰত ছাত্ৰ-ছাত্ৰীক ভালদৰে বুজিব পৰাৰ লগতে সেইমতে সুবিধা প্ৰদান
কৰাটো আমাৰ অন্যতম কৰণীয় তথা লক্ষ্য হোৱা উচিত |.......................................................................................
