খাদিমউদ্দিন আহমেদ
নাৰী তুমি অনন্যা………
তুমি উৰ্বৰা কৃষিভূমি
সৃষ্টিৰ কঠিয়া তলি
তোমাৰ বাবেইতো
ধৰা খনি ইমান ধুনীয়া ।
তুমি কাৰোবাৰ মাতৃ
কোনোবা জনৰ বাই-ভনী
আকৌ কোনোবা জনৰ মমতাময়ী
তৃষ্ণাৰ সুধা তুমি ।
তুমি যে অনন্যা…………
দধীচিৰ দৰে আত্ম বলিদান দিয়া
জয় পৰাজয়ৰ যুজঁত ।
কেকুঁৰাৰ দৰে নিজকে নিঃশেষ কৰা
পুত্ৰ স্নেহত ।
তুমি ধৈৰ্যৰ প্ৰতীক
সাহসৰ অফুৰন্ত ভাণ্ডাৰ
মদিৰাৰ ৰাগিনী তুমি
প্ৰেমৰ বোৱতী নৈ ।
তুমি অনন্যা…………
জীৱনৰ সাফল্যতাৰ মাপকাঁঠি
সুনন্দৰৰ প্ৰতীক তুমি
সহনশীলতা , মানৱীয়তাৰ
অলংকাৰ তুমি ।
শান্তিৰ নিজৰা তুমি
সৃষ্টি তোমাৰ নতুনত্ব
বিশ্ববিজয়িনী তুমি
ত্ৰিভূৱনৰ ।
