বন্দনা শালৈ ;পাঠশালা(বৰপেটা)
ৰুগ্ন
পৃথিৱীৰ বাসিন্দাই আক্ৰান্ত হোৱা ৰোগবিধৰ নাম বাৰে বাৰে দোহৰাই নাথাকি ইয়াকে ক'ব পাৰি যে, চীন দেশক ত্ৰাসিত কৰি উঠি গোটেই পৃথিৱীকে
এইবিধ ৰোগৰ ভাইৰাছে বিধ্বস্ত কৰিবলৈ উঠি পৰি লাগিছে |নকৰিবই
বা কিয় !পৃথিৱীৰ হাওঁফাও স্বৰূপ আমাজান অগ্নিদগ্ধ হোৱাৰ পিছতেই অসমৰ ভূমিত থকা
চিৰসেউজ ভূমি অৰ্থাত্ হাওঁফাও স্বৰূপ দিহিং-পাটকাইৰ কথাকে উনুকিয়াব পাৰি |আমি মানুহে মানুহৰ বাবে হৈ পৰিছো বৈৰী |আমাৰ মানৱীয়
কু-কাৰ্য্য;যেনে: বনাঞ্চল ধ্বংস, বিজ্ঞান-প্ৰযুক্তিবিদ্যাৰ
পিছে পিছে গৈ ইয়াক সঠিকভাৱে পৰিচালনাৰ অভাৱৰ ফলত প্ৰদূষণকে আদি কৰি নিত্য-নৈমিত্তিক
সমস্যাবোৰকে পৃথিৱীক ৰুগীয়া কৰাৰ ইন্ধন বুলি ক'ব পাৰি |প্ৰাকৃতিক ৰোগ বা বেমাৰবোৰ প্ৰাকৃতিকভাৱে নিৰ্দিষ্ট সময়ত উপশম হয় |কিন্তু, যদি সেই প্ৰাকৃতিক ৰোগৰ লগতে মানৱসৃষ্ট ৰোগ
অৰ্থাত্ দানৱস্বৰূপ মহামানৱৰ কু-কাৰ্য্য জড়িত হৈ কিবা পৰিঘটনা সংঘটিত হয় তেন্তে ই
নিশ্চয় ভয়ানক হয় অৰ্থাত্ ইয়াৰ পৰিণাম সৰ্বনাশী |
গতিকে,
এনে অৱস্থাত বা পৰিস্থিতিত সকলো পৰিহৰি সৰ্বসাধাৰণ শ্ৰেণীটোৱে
স্বাস্থ্যৰ লগতে অন্ন,বস্ত্ৰ,বাসস্থান
অৰ্থাত্ মৌলিক প্ৰয়োজনখিনিৰ বাবে হামৰাও কাঢ়িব লগা হৈছে |যদিও
এইক্ষেত্ৰত চৰকাৰীভাৱে হওঁক বা বেচৰকাৰী-স্বেচ্ছামূলকভাৱে এজনে আনজনক সহায়ৰ হাত
আগবঢ়াইছে; তেনেস্থলত জৰুৰীকালীনভাৱে দিয়া অনলাইন শিক্ষা
ব্যৱস্থা কিমানখিনি ফলপ্ৰসূ হ'ব সেইটো বুদ্ধিজীৱিসকলৰ বাবে
এক চিন্তনীয় বিষয় |
অসমীয়াত
এষাৰ কথা আছে যে,''নাই মমাতকৈ কণা মমাই ভাল'' |অৰ্থাত্ নতুন শিক্ষা ব্যৱস্থাৰ অন্তৰ্গত ডিক্সা এপ, আই
ইউ চি, ইনফ্লিবনেট, স্বয়ম, মুকছ, ই-পিজি পাঠশালা, স্বয়মপ্ৰভা,
চি ই চি ইউ, জি চিৰ ইউ টিউব চেনেল, নেশ্বনেল ডিজিটেল লাইব্ৰেৰী, স্বুধ গংগা, বিদ্বান আদি ডিজিটেল প্লেটফৰ্মসমূহ সঠিকভাৱে ব্যৱহাৰ কৰিব পাৰিলে
ছাত্ৰ-ছাত্ৰীসকল যে উপকৃত হ'ব, সেয়া
নিশ্চিত |তাৰোপৰি, জুম এপ, গুগল ক্লাচৰুম, ৱাটছ আপ, ই-মেইল,
স্কাইপ আদি যোগে ছাত্ৰ-ছাত্ৰীসকলক শিক্ষা প্ৰদানৰ বাবে
জৰুৰীকালীনভাৱে ব্যৱস্থা গ্ৰহণ কৰা হৈছে |
.অৱশ্যে,
এই ক্ষেত্ৰত এশ-এবুৰি সমস্যাৰ সন্মুখীন হ'ব
লগা হৈছে |যেনে: কিছুসংখ্যক শিক্ষকে বা ছাত্ৰ-ছাত্ৰীয়ে নিজকে
ডিজিটেল মাধ্যমৰ সৈতে জড়িত কৰা নাই বা কৰিব পৰা নাই |তাৰো
নিশ্চয় বিভিন্ন কাৰণ আছে |তাৰোপৰি, কিছুসংখ্যকে
আকৌ ইচ্ছাকৃতভাৱেও এনে সুযোগ গ্ৰহণৰ পৰা বিৰত আছে |কিছুমানৰ
আকৌ এনড্ৰইডৰ অভাৱ; ইত্যাদি |
কিন্তু, তাৰ মাজতে, বৃহত্
এচামে বা বেছি সংখ্যকে ফেচবুক, টুইটাৰ, ৱাটছ এপ, ইনষ্টগ্ৰাম, ইউ-টিউব,
ৱিকিপিডিয়া আদিৰ জৰিয়তে গোটেই বিশ্বখনক সাঙুৰি নিজৰ জেপৰ ভিতৰত ভৰাই
ৰাখে |সেয়ে, অনলাইন শিক্ষা পদ্ধতিক
জৰুৰীকালীনভাৱে হ'লেও হওঁক আমি এক যুগৰ দাবী বা পৰিস্থিতিৰ
বাবে মানিবলৈ বাধ্য বুলি প্ৰত্যাহ্বান হিচাপে গ্ৰহণ কৰিব লাগিব |হয়তো হ'ব পাৰে ই এশ বছৰৰ অন্তৰে অন্তৰে হোৱা ৰুগ্ন
পৃথিৱীৰ পৰিৱৰ্তনৰ ফল |যিসকলে এই পৰিৱৰ্তনৰ সৈতে নিজকে খাপ
খুৱাই ল'ব নোৱাৰিব, তেওঁলোক বৰ্তি
নাথাকিব |ডাৰউইনৰ তত্ব ''Survival of the fittest.'' অনুসৰি যোগ্যজনেহে এই ক্ষেত্ৰত চাইবাৰৰ জৰিয়তে নিজৰ অস্তিত্ব ৰক্ষা কৰিব
পাৰিব; নহ'লে কিছুসংখ্যকৰ বাবে ক্ৰমশ
হৈ পৰিব ই এক অস্তিত্ব সংকট(idenditycrisis) |সেয়ে, উপযুক্ত তথ্য আৰু যোগাযোগ প্ৰযুক্তিৰ বাবে দক্ষতা অৰ্জন কৰাটোৱেই কিজানি
এই ক্ষেত্ৰত যোগ্য-ভাগ্য-বসুন্ধৰা হোৱাৰ একমাত্ৰ উপায় |
..
