উতলা ফাগুন

 এছ ইছলাম, শিক্ষক  পঃ মইনবৰী,বৰপেটা

 

 শীতৰ অন্তত

 বসন্তৰ আগমন

 কুলি-কেতেকীৰ সুৰীয়া মাত

 ফাগুন ফাগুন লাগিছে গাত ।

 গছে গছে মেলিছে 

 নতুন নতুন কুঁহিপাত 

 উতলা ফাগুনে কঁপাইছে

 গোটেই সেউজী জগত।

 আমে মলিয়ালে

 কঠালে পেলালে মুচি 

 আই বসুন্ধৰা ৰজঃস্বলা এৰি

 হৈ পৰিল একেবাৰে শুচি ।

 বাটে-ঘাটে সৰাপাত 

 শিমলুৱে সলালে পাত 

 বা-মাৰুলিয়ে ধুঁৱলি-কুঁৱলী 

 কৰিছে গোটেই জগত ।

 উতলা ফাগুনৰ বতৰত

 ফাকুৱাৰ ঐ উছৱত

 শিহঁৰণ উঠে মোৰ গাত

 বলিয়া বলিয়া ভাৱ মনত।

পছোৱা বতাহত 

মন মোৰ হৰষিত

এজাক বৰষুণ পৰিল

ধৰণী সজীৱ হৈ উঠিল।