ভয়

সবিতা বৰুৱা ফুকন 

কেনেকৈ হেৰায় যায় 

বুকুৰ পৰা ভয়,

কেনেকৈ নোহোৱা হয় হৃদয়ত বিশ্বাস আৰু প্ৰেম 

কেনেকৈ জাহ যায় বুকুত 

আবেগ, অনুভূতি আৰু কামনা  ,

কিমান গভীৰ নিঃসংগতাৰ বাট,

কিমান মৌন চিঞৰৰ 

শূণ্যতা তাত 

প্ৰতিটো মুহূৰ্ত ই আকংক্ষিত 

এটা শূণ্য সুৰংগতে 

ৰৈ আছো দশকজোৰা 

অভাৱ সহি,

ৰ'দ আৰু বতাহৰ অপেক্ষাত 

অহৰহ প্ৰতিক্ষা কৰিছোঁ ম ই

এক নীড়হাৰা বিহংগৰ দৰে,

জীৱনৰ সমস্ত ক্লান্তি

বুকুত সাৱতি  ।