নেওতা

 

সবিতা বৰুৱা ফুকন 

সিংহ দ্বাৰ, শিৱসাগৰ 

নেওতা বোৰ বৰ সৰল 

নেওতাত পাকৈত লোকৰ বাবে  .......

জীৱন এটা জীৱন হিচাপে 

চলাই নিবলৈ নেওতা এখনৰ 

খুবেই  প্ৰয়োজন  ।

জনা হোৱাৰ পৰা 

মগজুত খেলিমেলি কৈ

ওলমাই ৰাখিছোঁ 

নেওতা এখন  ।

ধূলি -বালি খেলি

ভাল পোৱাৰ দিনবোৰত 

ধূলি -বালিৰ অংক এটা 

কৰি থৈ আহিছিলো,

তাৰ উত্তৰটোৱে আজিও 

বুকুত সমাধান বিচাৰি আছে......!

সপোন দেখাৰ দিনত 

জটিল অংক এটা হৈ 

ধৰা দিলা তুমি,

উত্তৰ ওলাল --'শূন্য '

এতিয়া নিজকে বুজাও 

মই তো  অংকৰ পাকৈত 

শিকাৰু নহয়  !

নেওতাখন নজনাৰ দোষতে 

বিষাদৰ অংক এটা 

এতিয়া ও কৰি আছো ...!